• 18 nóvember 2018
Íbúar í Hjara

Íbúar í Hjara

Þessi mynd er tekin fyrir utan Hjara trúlega í kringum 1940. Svona var nú Miðstrætið þá, varla meira en hestagata. Á myndinni er þær systurnar Sigurborg Sigurgeirsdóttir (mamma), Halldóra Sigurgeirsdóttir og Svenna Sigurgeirsdóttir. Í baksýn er húsið sem þær bjuggu í þá, Miðstræti 4. (Húsið sem Halldór Jónasson í Skálavík átti þar til nýlega). 1944 fluttu þau svo yfir götuna í Miðstræti 3. (sem nú heitir Hjari, en þá hét Kalla bakara hús, og seinna Sigurgeirshús osfrv), en seldu Miðstræti 4. Kjartani Guðjónssyni og Halldóru Maríasdóttur. Miðstræti 3. hét aldrei neitt, sem mér fannst skrítið því öll hús á þessum tíma hétu eitthvað eða voru kennd við íbúa hverju sinni. Þetta fannst mér ófært og gaf húsinu nafnið Hjari sem mér fannst stutt, kjarnmikið og fallegt nafn auk þess sem mér fannst það eiga vel við standandi á 66°N (eða því sem næst). Húsin í baksýn, norðan við Miðstræti 1. (Sýslumannshúsið), þar sem Bakkastígur byrjar þekki ég ekki og væri gaman að fá upplýsingar um þau frá einhverjum fróðari. Girðingin sem sést hægramegin tilheyrir Hjara. Ég man vel eftir henni.

data-width="750" data-numposts="10">
Do you have any presale question to ask?

Lorem Ipsum is simply dummy text of the printing and typesetting industry. Lorem Ipsum has been.