• 18 nóvember 2018
Jónasínuhús

Jónasínuhús

Myndirnar er tekin af fésbókarsíðu Jónasínuhúss.

Þessi mynd er af Jónasínuhúsi sem er lítið hús við hafnargötunar í Bolungarvík. Húsið var endurnýjað frá grunni í kringum 2016. Húsið var illa farið, en er nú hið glæsilegasta og er leigt út til ferðamanna.

Nánari upplýsingar er að finna á fésbókarsíðu hússins,

Sögu hússins er að finna á fésbókarsíðunni og er hún sem hér segir:
"Húsið að Hafnargötu 9 í Bolungarvík er skráð með byggingarár 1925 en er þó töluvert eldra. Byggingarskrár Bolungarvíkurkaupstaðar eyðilögðust í vatnstjóni og því er einungis um munnlegar heimildir að ræða fyrir árið 1925.
Húsið var skúr niður á „Kambi“ þar sem Sigþrúður Pálsdóttir (1893-1974) verslaði með vefnaðarvöru. Maður hennar var Oddur Ólafur Elías Guðmundsson (1883-1940) kaupmaður og oddviti í Bolungarvík. Síðar kaupir Þórður Arason (1889-1949) skúrinn og flytur hann á þann stað sem húsið stendur nú og byggir við hann. Bjó hann í húsinu ásamt konu sinni, Jónasínu Guðjónsdóttur (1902-1981), og kemur þaðan nafnið „Jónasínuhús“ eins og húsið var kallað. Bjarni Bjarnason (1895-1981) og Friðgerður Skarphéðinsdóttir (1888-1943) kaupa húsið af Þórði og búa þau þar til Friðgerður deyr. Þá kaupir húsið Guðni Bjarni Finnbogi Bjarnason (1896-1974) og kona hans Guðrún Lilja Kristjánsdóttir (1908-1995) og búa þau þar ásamt dóttur sinni Valdísi Þórlaugu (1944). Guðni byggir við húsið skúrinn að ofanverðu. Kristján Borgarsson, „Kitti Bogg“, kaupir húsið af Guðna og býr í því árin 1970-1972. Því næst kaupa Bjarnveig Sigurborg Samúelsdóttir og Jens Magnús Jakobsson húsið og búa í því árin 1972-1975. Anna Jakobína Guðjónsdóttir og Kristinn Hallur Jónsson frá Dröngum kaupa húsið af dóttur sinni og búa í því frá 1976-2006. Núverandi eigandi hússins er GÓK húsasmíði ehf í eigu feðganna Guðmundar Óla Kristinssonar og Jóns Steinars Guðmundssonar."

(heimild: Guðrún Jónsdóttir)

13254707_1027040510720332_4255605257726637861_o

data-width="750" data-numposts="10">
Do you have any presale question to ask?

Lorem Ipsum is simply dummy text of the printing and typesetting industry. Lorem Ipsum has been.